Barcelona Open champion Kei Nishikori

Pathianni khan champion lai Kei Nishikori chuan Spainish Pablo Andujar hnehin Barcelona Open champion lallukhum a humhim.

Kum 25 a upa Japanese Nishikori hian final-ah hian a khingpui Andujar chu 6-4, 6-4 in a hneh a, a vawi kua nan ATP World Tour Title a chawi.

Nishikori chuan, "Kumin a inelna ka hmachhawn tawhah chuan ka khelh ṭhat leh nuam ka tih ber ṭum ala ni ang. Nakumah pawh he hmunah hian inkhel turin ka lo kir leh ngei ang. Pablo kha player ṭha tak a nih avangin kan inkhelh kha a awlsam lo hle a ni. Final thleng turin Pablo hian David Ferrer a hneh theih avangin player ṭha a ni tih chu a chiang tawk hle," tiin a khingpui chu a fak hle.