Ligue 1 Lyon-in hma an hruai leh ta

French Ligue 1-ah hmahruai fal thei an awm lo a, Lyon leh Paris St-Germain-in hma an inhruai chhawk zak zak reng. Match 34 khel tawh Lyon leh match khata khel tlem zawk PSG ten point 68 ve ve an hmu a, goal difference nei ṭha zawk Lyon-in hma an hruai mek.

Lyon-in minute ruk chhung­in goal hnih an khung a, inkhel ṭan aṭanga minute hnihna lekah Corentin Tolisso chuan tauh lut in minute ruknaah Alexandre Lacazette chuan an goal hnihna in a rawn chhunzawm ve lehnghal.

Reims tana defensive midfielder Alexi Peuget goal shot chu Maxime Gonalons-a'n an mahni lamah a dang pial lut palh a, mahse Lyon tan Clinton N'Jie chuan minute 20 naah an goal thumna a thun zui ve leh. Hun tawp dawn a Mickael Tacalfred goal thun leh Gaetan Charbonnier-a'n an lama a tih goal palhin awmzia a nei thui tawh lo. Khualmualah Lyon-in 4-2 in hnehna an chang.

Inkhel dangah kum thara Champions League khel thei turin Monaco in an dinhmun an sawh nghet ve zel a, an khingpui Lens chu 3-0 in an hneh. Point 62 hmuin table-ah pathumna an ni mek.

St Etienne chuan an khelmualah 1-0 in Montpellier an hneh bawk a ni.