Royal Wahingdoh leh Mumbai FC inhnehtawk
I League season khatnaa che ṭha tak Royal Wahingdoh-in Nehru Stadium, Guwahati-ah inkhel thunun chung siin Mumbai FC nen 1-1 in an inhnehtawk.
Royal Wahingdoh hian point hnih an hloh avangin vawi hniha khel tam chungin pahnihnaa awm Bengaluru point khatin an pha lo.
Pathianni zan inkhelah Santosh Kashyap-a'n Dempo SC an hneh loh ṭuma starting eleven aṭangin player pahnih a thlak danglam a, Seityasen Singh aiah Kim Seong-Yong a luh tir.
Mumbai hian minute 23-naah Josimar hmangin hma an hruai a, he goal hi North Korean Kim Seong-Yong hmangin minute 59-naah an sut.
Shillong club tan Lalchhawnkima chiah Mizo zinga starting eleven changpha a awm a, defender Chhawnkima hian goal a khung teuh hle. Darkar chanve hnuah Govin Singh aiah Lallawmzuala a lut a, hemi hnu hian Wahingdoh in inkhel an thunun ṭan. Amaherawhchu Wahingdoh hian chance ṭha an hlah hnem hret avangin an siphurh sutna goal bak an khung thei lo.