Liverpool-ah player ṭha an lut duh ang - Rodgers
Liverpool manager Brendan Rodgers chuan season thara Champions League an khel pha lo a nih pawhin nipui transfer-ah player ṭha an la hip theih tho a rin thu a sawi chhuak.
Liverpool hi Premier League-ah panganaah an awm mek a, zanin dar 12:15 hian KC Stadium-ah Hull City nen an inkhel dawn. An chak a nih chuan palina Manchester United nen an inkarah point li chiah a tla zep tawh ang.
Reds manager Rodgers chuan, "Kan hma thlir a dik phawt chuan Champions League kan khel pha ta lo a nih pawin player ṭha chu an rawn lut duh tho ang. Player ṭha hi chuan Champions League khelh chu an duh tehmeuh mai, chutihrualin kum hnih chhung kan khelh dan uluk taka thlir chuan kan bula kal hi a hlauhawm lo tih an hria ang. Player ṭha pahnih khat kan lak theih chuan season tharah chuan champion thei zingah kan tel leh thei tawh ang," tiin season thar atana player ṭha zawk a ngaihven ṭan thu a sawi chhuak.
Tun dinhmuna Liverpool nena an sawi zawm chu PSV champion puitu kum 21-a upa Memphis Depay a ni a, Dutch forward hian a kum zat chiah hi goal khungin Dutch League-ah top scorer a ni mek. United nena an sawi zawm bawk Depay hi Liverpool boss hian ṭha a tih thu a pha lo.