School basketball inelnain ngaihhlut a hlawh: Mount Carmel an chungnung fal

Mizoram Basketball Association hnuaia inelna SRM Institute of Science & Technology 14th Inter School Basketball Tournament 2024 chu Thawhṭanni zan khan a hmawr bawk a ni a, inelna hrang hrangah Mount Carmel an che ṭha hle.

R. Dengṭhuama Indoor Stadium, Mualpuia a hmawr bawknaah Mount Carmel chu Higher Seconday, High School leh hmeichhe inelna huangah an champion a, inelna dang pakhat Middle School (mipa)-ah Graceland an champion ve thung.

Tun ṭum tournament-ah hian school 95 tehmeuh an inlan, chung zinga 12 chu hmeichhe inelna huangah an tel. Primary School (4), Middle School (25), High School (30) leh Higher Secondary School (24) te an ni.