Medvedev hnehin Alcaraz a tlang

Carlos Alcaraz chuan nimin tlai khan Daniil Medvedev chu 7-5, 6-3 in a hneh a, tennis hard court inelna neih lai China Open final a lut, nomawi chawi turin match khat chak a la mamawh.

Diamond Court-a inkhelah Spanish star Alcaraz a hriam hle, a service vawi hnih chu hloh va mah se Russian tlanhval Medvedev-a service hi vawi nga ngawt a chhuhsak.

Tun hnaiah Alcaraz hian a zawnin match riat chhung hnehna a chang ta - Beijing bikah final a luh vawi khatna niin champion a chak khawp ang, tennis a khelh tawh chinah erawh final a khelh vawi 220-na tur a ni thung.

Nizan khan semifinal lehlamah Jannik Sinner leh Yunchaokete Bu ten final luh an inchuh ve bawk a, chak zawk kan hre hman lo. A tlang zawk leh Alcaraz ten final an khel dawn a ni.