NBA legend Mutombo a thi

Basketball thiam bik - NBA Hall Fame zinga mi Dikembe Mutombo chu Thawhṭanni zan khan a thi, a thih chhan hi thluak cancer niin kum 58 mi a ni.

Mutombo hi a vanglai chuan player hmuhnawm bik zinga mi a ni ṭhin. NBA All-Star zingah vawi riat ngawt a tel phak a, season 18 chhung hun a hman hnuin kum 2009 khan basketball hi a chawlhsan.

Team hrang hrang - Denver Nuggets, Atlanta Hawks, Philadelphia 76ers, New Jersey Nets, New York Knicks leh Houston Rockets tan te a khel a, a inkhelh thiam bakah a mite lawmna siam thiam a nih avangin fans ngainat a hlawh thei hle.

A thluakah bawk a awm tih hmuhchhuah a ni a, kum 2022 October thla aṭang khan an enkawl ṭan. NBA commissioner Adam Silver chuan, "Dikembe Mutombo hi khelmual chhungah chuan mi dang basket neih tur dangtu ropui a ni a, midangte ṭanpui leh puih kawnga entawk tlak a ni bawk," a ti.

7ft 2in zeta sang a ni a, basketball a chawlhsan khan Hawks leh Nuggets te chuan a jersey number hal ṭhin number 55 chu midangte hak ve theih tawh loh turin an tihial - kum 2015 khan mi bikte awmna Hall of Fame-ah sengluh a ni bawk.

Silver-a chuan sawi zawmin, "Democratic Republic of the Congo chawimawitu a ni a, khawvel hriata pho chhuaktu pawimawh a ni bawk. Hei mai ni loin Africa khawmualpui timawitu zinga mi niin, a hun tawp lam thlenga NBA ngaipawimawh em em tu a ni," a ti.