Last 16-ah Pegula a tla

US Open finalist Jessica Pegula chu China Open khelh laiah last 16 paltlang zo loin a tla - Beijing khawpuia tournament an khelhah hian hmeichhe player langsar zinga tla hmasa a ni.

American nula Pegula hi seeded pahnihna a ni a, champion tura rinkai zinga mi pawh a ni. Mahse, seeded 15-na Paula Badosa lakah hian 6-4, 6-0 in a chak lo - Badosa hian a match lehpekah chuan Magdalena French hnehtu Zhang Shuai a tum leh ang.

Tualchhung nula Zhang hi world number 595 daih a ni a, a khingpui seeded 23-na French-i hi 6-4, 6-2 in a hneh a, tournament kal laiah quarterfinal lut zinga ranking hniam ber a ni.

Pegula a la che fuh lo chhunzawm thung - US Open khelh zawh takah khan final hial thleng mah se, nomawi inchuhna inkhelah Aryna Sabalenka a ngam lo, tunah result ṭha beisei mah se a duh ang a la thleng thei rih ta chuang lo.