Pahnihna nih a zahthlak lo - Pellegrini

Manchester City manager Manuel Pellegrini chuan Premier League-a pahnihna an nih theih chuan season pangngai tak an hmang zoa a ngaih tur thu a sawi.

Pellegrini chuan, "City-in season thara Champions League khelh kan tum a, kan hlawhtling. Tun season-a tih hlawhtlin theih loh chu champion nawn a ni. Amaherawhchu Arsenal, Chelsea, United leh Liverpool te'n an squad tih chak nan pawisa ṭhahnem tak an hmang vek a. Kan squad ang bawka chhah an neih avangin pahnihna nih phak hi a zahthlakna ka hre lo," tiin season an hman chhiat loh thu a sawi.

Chilean manager chuan sawiin zuiin, "Hmasawn reng hi a harsa a, season dang aiin goal kan khung tlem.Tihsual kan ngah avangin insiamṭhat kan mamawh hle a ni. City leh Chelsea inthlauhna hi a tam mah mah a kan ngai a nih chuan tun season-a an tih ang chiah hi season liamta kan tih ang kha a ni," tiin Chelsea chet fuh ṭum a nih thu a sawi.