Tour de Hmuifang tel tur tan a inziah luh theih

Mizoram Cycling Association (MiCA) chuan Tourism Department nena ṭangkawpin Mizorama thirsakawr intlansiak huhang nei lian ber Tour de Hmuifang 2024 chu October 31, 2024 aṭangin ṭan a ni dawn.

Tun ṭum inelnaah hian category panga an awm a, October 1 aṭang khan inziahluh ṭan theih. October 5, Inrinni thlenga inziaklut tan Rs 500 a ni a, discount 50% a awm. October 6, Inrinni aṭang chuan registration fee hi Rs 1000 a ni chho tawh ang a, October 15, Thawhlehni thleng a inziahluh theih a ni.

Registration ti turte tan rider license siam a nih dawn avangin passport size tharlam, fiah felfai tak thehluh tur a ni, inrinlawk ngei tur a ni. Inziahluh rual hian MiCA Rider Licence fee Rs 50 pek tel ngei tur a ni a; T Shirt (Rs 650) leh chaw ei duh tan chaw ei man (Rs 350) duh tan pek tel nghal tur a ni bawk.

Tun ṭum inelnaah hian category panga Elite (Kum 19 chunglam), Masters (kum 35 chunglam), Junior (Kum 19 hnuailam), Road (Open) leh Women (Open) hmangin inelna a awm ang. Thlalaka QR Code hi scan-in inziahluh theih a ni.