League Cup-ah Newcastle-in Wimbledon an hneh

Newcastle United chuan League Cup last 16 lut turin Wimbledon 1-0 in an hneh a, goal awmchhun hi first half injury time-a Fabian Schar-a khung a ni. Magpies hian last 16-ah tun hnaia nasa taka hmasawn Chelsea an hmachhawn ang.

October 1, Thawhlehni zan inkhelah Newcastle-in League Two club Wimbledon lakah inkhel thunun mah se goal khung an harsat. First half tawp hma hretin Miguel Almiron-a'n Joe Pigott lakah penalty hlawh chhuakin Schar-a'n cool takin a pet lut.

Magpies hian goal khat chauh khung mah se 79% ball an chang a, goal chance vawi 18 ngawt an insiam laiin Wimbledon erawhin goal zawnah vawi khat pawh an pet lo.