Keys hnehin Sabalenka a tlang

Aryna Sabalenka chuan nimin khan Madison Keys hnehin China Open khelh laiah quarterfinal a lut, semifinal thleng tur chuan Karolina Muchova a paltlang leh a ngai dawn a ni.

World number 2 Sabalenka hian chak turin hun a mamawh rei lo, darkar khat leh minute nga chhung lekin Sabalenka hi 6-4, 6-3 in a hneh a, tun hnaiah match 15 chhung tehmeuh chu hneh loh nei loin a kaltluang ta.

Sabalenka-i chak loh hnuhnung ber chu August 10 daih tawh kha a ni a, Canadian Open-ah a tlawm - a hnu lamah erawh chetsual nei miah loin a kaltluang, a kalkawngah hian US Open nomawi pawh a chawi hial.

Tun season kal laiah Grand Slam vawi thum champion tawh Sabalenka hian match 57 a khelh zinga ṭum 46-ah hnehna a chang a, tun inelna neih laiah Iga Swiatek a inlan loh avangin ranking point lamah Polish nula hnaih theihna remchang a nei ang.

Last 16 inkhel dangah Karolina Muchova hian Cristina Bucsa chu 6-2, 6-0 in a lo hneh ve thung a ni.