Taekwondo League khel turin Arunachal pan

Khelo India Womens Taekwondo League Northern Region chu October 3-6 chhung hian Arunachal Pradesh-ah khelh a ni dawn, inelna hmachhawn turin Mizoram player pakua leh official pathum ten Thawhlehni khan Aizawl an chhuahsan.

Mizoram aiawhtute hian Poomsae (form) leh Kyorugi (fight) ah Mizoram tan an in lan dawn a. Poomsae-ah hian mi pahnih in an khel ang a. Kyorugy-ah mi pasarih an khel thung ang.

Mizoram tana inlan turte hi September thlaa khelh zawh tak, Mizoram Official Taekwondo Championship-a champion te an ni a. Senior under 49kg huanga khel tur R. Lalbiaknuami hi Champion of Champion 2024 Title kawl mektu a ni. Mi pahnih in cadet category-ah an khel ang a. Junior-ah mi pali, senior sategory a khel tur pakhat a awm bawk ang.

Mizoram team te hi Lalsangzuali, Tuikual North, Zohmingthanga NR (National Referee), Bilkhawthlir leh Felix Lalnunpuia NR, Luangmual ten an hruai a ni.