Match hmasa berah Nagal chak lo

India tlangval tennis khel thiam Sumit Nagal chu Shanghai Masters-ah a inlan a, a match hmasa berah a khingpui Wu Yibing hneh loin a zinkawng a tawp nghal.

Nilaini tlai inkhelah Nagal hian tualchhung tlangval hi 6-3, 6-3 in a ngam lo. Set hnih an khelhah hian a khingpui service vawi khat chhuhsak ve mah se, ama service vawi li ngawt a hloh avangin a chak lo.

Tun hnaiah Nagal hian khelmual pawn lamah buaina a nei - All India Tennis Association (AITA) nen Davis Cup khelh tur chungchangah an thu a inhmu lo a ni.

AITA hian Nagal hi sum phut tam lutukah an phu a, mahse Nadal erawhin ram tana inlan tur an nih avangin training leh inbuatsaihna tur tlem a zawng bak an beisei lo tih a sawi thung.