Player 10 Juventus an chak

Goal an chhuah hmasa a, a hnuah an player pakhat hnawh chhuah a ni bawk - dinhmun khirh taka ding chunguin Juventus chuan RB Leipzig 3-2 in an hneh.

Nilaini zan Red Bull Arena-a inkhelah mual neitu Leipzig tan Benjamin Sesko chuan goal hnih a khung, mikhual tan striker ṭha Dusan Vlahovic chuan goal hnih hmanga a chhanlet bakah, hun tawp dawnah Francisco Conceica chuan chakna goal a khung.

Minute 59-naah Juve goalkeeper Michele Di Gregorio chu hnawhchhuah a ni a, a tlem zawk an nih hnuah Old Lady hian goal hnih an khung thei tho a, khualmualah chak phu khawpin an khel ṭha.

Juve coach Thiago Motta chuan, "A nihna takah chuan goal kan phurh lai pawh khan khel ṭha zawk kan ni. Goal nawr leh a venhim kawngah kan khel ṭha em em a. a tawpah point thum kan hmu," tiin a naute khelh danah a lungawi hle.