England squad-ah Solanke a tel

England-in October thla international break-ah Greece (Oct 10, Ningani zan) leh Finland (Oct 13, Pathianni zan) te an hmachhawn dawn a, manager lailawk Lee Carsley chuan player 25 awmna squad a puang.

Carsley hian September thla aṭangin Gareth Southgate a thlak ṭan a, tun ṭum squad-ah hian player pali a thlak. Eberechi Eze, Harry Maguire, Tino Livramento leh Jarrod Bowen te chu Carsley-a'n a ko nawn tawh lo. Chutihrualin Aston Villa forward Morgan Rogers, Tottenham midfielder James Maddison leh Manchester United forward Marcus Rashford te chu an en kan an ni.

Koh thar zingah Tottenham forward Dominic Solanke a tel a, ani hian nipui bazarah khan £65mtd-in London club a zawm. Kum 27 mi Solanke hian Spurs tan match sarih khel tawhin goal thum a khung a, Old Trafford-ah Manchester United lakah pawh goal a khung tawh.

Tun ṭumah hian September thlaa koh loh Kyle Walker pawh koh tel leh a ni a, Manchester City wing back hian ram tan match 90 a khel tawh. Real Madrid midfielder Jude Bellingham hming pawh a lang tawh a, ani erawh inhliam vangin September thla khan telh a ni lo.

England Squad

Goalkeepers: Dean Henderson (Crystal Palace), Jordan Pickford (Everton), Nick Pope (Newcastle United)

Defenders: Marc Guehi (Crystal Palace), Ezri Konsa (Aston Villa), John Stones (Manchester City), Trent Alexander-Arnold (Liverpool), Levi Colwill (Chelsea), Rico Lewis (Manchester City), Kyle Walker (Manchester City)

Midfielders: Conor Gallagher (Atletico Madrid), Kobbie Mainoo (Manchester United), Declan Rice (Arsenal), Cole Palmer (Chelsea), Morgan Gibbs-White (Nottingham Forest), Angel Gomes (Lille), Phil Foden (Manchester City), Jude Bellingham (Real Madrid)

Forwards: Jack Grealish (Manchester City), Anthony Gordon (Newcastle United), Harry Kane (Bayern Munich), Noni Madueke (Chelsea), Bukayo Saka (Arsenal), Ollie Watkins (Aston Villa), Dominic Solanke (Tottenham)