MPL semifinal en man Rs 50

LZ Juice MPL11 league round khelh zawh a ni tawh a, semifinal leh final chauh khelh tur a awm tawh. Semifinal hi double leg-a khelh tur a ni a, en man hi Rs 50 niin karleh hian RG Stadium-ah khelh zawh a ni ang.

Semifinal leh final hi zanah vek khelh a ni dawn a, chhun lama hnathawk tualchhung football ngaina tan pawh inkhel enna hun a insiam theih ang. I League club Aizawl FC, I League 2 inpetling hlim Chanmari FC, All India Police Meet champion leh MPL champion lai Mizoram Police leh Sihphir Venghlun ten final an khel dawn a, en a châkawm tawh hle.

Sulhnu nei ṭha lo bera ngaih Sihphir Venghlun pawh hi veng/khua inelna hnuhnung ber LPS Cup bakah Inter Village Futsal-a champion thei an ni a, tualchhung football-ah an mikhual lo.