Ter Stegen aiawh tur zawnna

Germany-in October thla international break-ah Bosnia & Herzegovina leh Netherlands an hmachhawn dawn a, number 1 goalkeeper thar Marc-Andre ter Stegen a inhliam nat avangin Julian Nagelsmann-a'n Barcelona keeper thlakna tur a zawng dawn.

Nagelsmann-a'n September thlaa Ter Stegen-a thachhang dawltu Oliver Baumann leh Alexander Nubel te bakah Red Bull Salzburg goalkeeper Janis Blaswich chu a ko tel. Goalkeeper pathum hi Germany tana la inlan lo vek an ni a, tun hi ram tana khelhna hmun sawhngheh theihna hun ṭha a ni.

Kum 10 chuang Germany no. 1 ni tawh Manuel Neuer a chawl a, Bayern Munich goalkeeper vang hian Ter Stegen meuh pawh inelna lianah ram tan a la inlan lo. Barca keeper Ter Stegen hi nakkum nipuiah a rawn kir leh hman a rinawm a, 2026 FIFA World Cup atana Nagelsmann-a duh ber a la ni dawn. Chutihrualin Ter Stegen awm loh chhunga a aiawh goalkeeper-te an chet ṭhat chuan Nagelsmann hian a rilru a thlak thei bawk.

Tun ṭum squad-ah hian Tim Kleindienst koh tel a ni a, Borussia Mönchengladbach striker hi kum 29 mi ni tawhin Heidenheim tana a khelh laiin Bundesliga 2-ah 2022/23 season khan top scorer a ni a, season liam ta khan goal 12 a khung bawk. Kumin nipuiah Gladbach hi a zawm a, match nga khelh tawh aṭangin goal hnih a khung bakah assist vawi khat a a nei tawh a ni.

Germany Squad

Goalkeepers: Oliver Baumann (Hoffenheim), Janis Blaswich (Red Bull Salzburg), Alexander Nübel (VfB Stuttgart)

Defenders: Waldemar Anton (Borussia Dortmund), Benjamin Henrichs (RB Leipzig), Joshua Kimmich (Bayern Munich), Robin Koch (Eintracht Frankfurt), Maximilian Mittelstädt (VfB Stuttgart), David Raum (RB Leipzig), Antonio Rüdiger (Real Madrid), Nico Schlotterbeck (Borussia Dortmund), Jonathan Tah (Bayer Leverkusen)

Midfielders: Robert Andrich (Bayer Leverkusen), Chris Führich (VfB Stuttgart), Pascal Groß (Borussia Dortmund), Jamal Musiala (Bayern Munich), Alexander Pavlović (Bayern Munich), Angelo Stiller (VfB Stuttgart), Florian Wirtz (Bayer Leverkusen)

Forwards: Serge Gnabry (Bayern Munich), Kai Havertz (Arsenal), Deniz Undav (VfB Stuttgart), Tim Kleindienst (Borussia Mönchengladbach)