Milan manager Fonseca a inringtawk

European football lamah an chet fuh theih loh avangin AC Milan chuan sawisel an hlawh mek, hetiang borua leng vel karah hian an manager Paulo Fonseca chuan beiseina eng an neih thu a sawi.

Serie A lamah chuan Milan hi pathumna an ni mek a, hmahruaitu Napoli an phak lohna pawh point hnih chauh a ni - inkhel result pakhat lekah an dinhmun a la inthlak danglam daih thei tihna a ni.

Mahse, Champions League-ah erawh match hnih khel tawhin an tlawm ve ve - Liverpool an ngam loh hnuah Bayer Leverkusen an hneh lo zui leh bawk, European football inelna sangah an ruh a no rih hle.

Milan manager Kateryna Fonseca chuan, "Leverkusen kan hneh loh avangin kan ṭha tawk lo tihna a ni lo. A nihna takah chuan goal kan ven leh nawr dan velah khan hmasawna hmuh tur tam tak a awm.

"Team ṭha tak hi thawk leh khata neih thut theih a ni lo, zawimuanga din tur a ni zawk. Tunah pawh hian team nghet tak ni turin kan indin mek a ni a, hun rei a ngai tawh lo ang," a ti a, a naute a rintawk thu a sawi bawk.

Milan hian Pathianni zan dar 12:15 hian Serie A match khel turin Fiorentina an lenchilh chhunzawm leh nghal dawn a ni.

Serie A champion lai Inter Milan chian zanin dar 12:15 hian Torino an mikhual dawn a, chak tura rinkai zawk an ni ang. UCL lama che ṭha Juventus chuan Pathianni tlaiah Cagliari an mikhual thung ang.