Tour de Champhai XCM 2024

Tour de Champhai 2024 chu October 5, Inrinni khan Champhaiah neih a ni a, New Champhai aṭanga bul ṭanin Champhai chhehvel khaw hrang hrang tlawh kualin, lamlianah te, link road-ah te, kawngṭumah te an intlansiak a; intlansiak kawng thui leh khawkrawk, diak leh nal, kawngchhuat hmuh hleihtheih loha hnimin a bawh hmunah te intlansiakin, Hnahsin Kut hmanna hmun, New Champhaiah an tawp a ni.

Intlansiakna hi category paliah ṭhen a ni a, naupang pual (kum 8-13) intlansiak pawh October 2, 2024 khan buatsaih a ni tawh a, Champhai Kahrawt naupang Zochhuanmawia chu pakhatna niin Chanmari, Aizawl naupang Lalrinzuala Colney chu pahnihna a ni thung. Tour de Champhai thirsakawr intlansiak hi Hnahsin Kut hmanna kawngkhat niin Champhai District Association, Champhai Nature Conservancy leh Mizoram Cycling Association ṭangho buatsaih a ni.