Carvajal zai a ngai dawn

Villarreal lakah Real defender Dani Carvajal a inhliam a, hun pek belha Yeremy Pino nena ball an inchuhna lamah Spanish defender hian a khupah hliam a tuar - zawnchhuah a ni a, Carvajal hian mittui nen khelmual a chhuahsan.

Inkhelh zawhah Carvajal hian zai a ngaih tur thu social media lamah a tarlang nghal a, kum 32 mi right back chuan, "Khup hliam na tak ka nei tih hmuhchhuah a ni a, zai ka ngaih dawn avangin rei tak chu khelmualah ka inlan thei lo ang," a ti.

Spain international chuan, "Tunah chuan dam leh thuai turin ka inbuatsaih der tawh a, paukhauh taka lo kir leh ngei ka tum ang," a ti a, tlawm hlen a tum lo.

Real manager Carlo Ancelotti chuan, "Kan inkhelh tam lutuk avanga thil thleng fo ṭhin chu zaninah a thleng a, kan team tana player pawimawh em em chu a tuartu a ni," a ti a, player tana match khelh tur tam lutuk chu an inhliam chhanah a puh.