Veteran Futsal-ah Ditea's FC an champion

BR Studio MFA Veteran Futsal final-ah Ditea's FC chuan Manuna Memorial FC, Ramthar Veng 3-2 a hnehin an champion. Champion team Ditea's hian Rs 15,000 an dawng a, pahnihnain Rs 8,000 an dawng bawk.

Veteran Futsal-ah hian team 16 an tel a, group paliah inṭhenin an sang ber ṭheuhin semifinal an lut. Ditea's hian group stage-ah Ramhlun South (6-1), Aizawl West Veteran (6-3) leh KimKim77 FC 'B' (15-0) te nen awm hoin an hneh vek a, semifinal-ah Leitan Veteran FC, Jr chu 3-0 a an hnufual hnuah 4-3 in an lehthal.

Final-ah Ditea's leh Manuna Memorial FC te hi hun pangngaiah 2-2 in an inhnehtawk a, extra time-ah Joel Lalthangmawia'n chakna goal a khung.

Veteran inelnaah Ditea's hian record ṭha tak an nei a; MFA Veteran Futsal-ah vawi thum an champion tawh a, Durtlang LC buatsaih Veteran Futsal inelnaah an champion tawh bawk. Football-ah pawh nikum March thla khan G90's buatsaih GIG Motors Veteran Football-ah an champion a, Cricket Association of Mizoram buatsaih Cricket Veteran Tournament-ah an champion tawh bawk.