Mizoram Indigenous Games 2024 Vawiinah Aizawl District final neih a ni dawn

Mizorama tualṭo infiamna tihlar lehzual a nih theihna atana buatsaih Mizoram Indigenous Games 2024, Aizawl District bik chu vawiin hian Bawngkawn South YMA Hall-ah a hmawrbawkna neih a ni dawn.

Inelna hi Broadcasting Infrastructure & Network Development (BIND) hnuaia Doordarshan Kendra, Mizoram- Mizoram Indigenous Games Association (MIGA) leh Central Young Mizo Association (CYMA) tawngkawp ten an buatsaih a ni.

Mizoram Indigenous Games 2024-ah hian Mizo tualto infiamna insuknawr, insaihruipawh, inbuan, inarpathai leh inkawibah-te hmanga inelna buatsaih a ni a, Mizo infiammi tam zawk an tel theihna turin Mizoram district hrang hrangah inelna hi kapui a ni.

Vawiin hian Aizawl District-ah inelna hi zawh a ni ang a, district bika inelna tawpna ber tur chu Lawngtlai District-ah October 31 aṭanga November 1, 2024 chhung hian neih leh tur a ang. District inelna a lawmman la pha chinte inelna tur Grand Finale chu November 20-22, 2024 chhungin Aizawl District-ah neih leh a ni ang.