Vawiin aṭangin MFA Inter Village Futsal

Mizoram Football Association leh BR Studio Production ṭangkawpin an buatsaih BR Studio MFA Inter Village Futsal Tournament chu vawiin aṭangin R. Dengṭhuama Stadium-ah khelh ṭan a ni dawn. Inelna hi September 28, Inrinni zan khan sports minister Lalnghinglova Hmarin a pet hawng tawh.

Kumin Inter Village Futsal-ah hian team 93 an inel dawn a, match hmasa ber aṭangin BR Studio YouTube Channel-ah a en theih dawn. Inelnaah hian Mizoram Premier League-a inziaklut player-te an tel thei dawn lo a; ISL leh I League bakah state league sang ber khel player te pawh inlan thei dawn lo.