Mizoramin medal pathum la

2nd Asmita Taekwondo, Khelo India Women League (East zone) neih zawh takah Mizoram aiawhte chuan medal pathum, silver medal pahnih leh bronzse medal pakhat an la.

Inelna hi Ocyober 3-8 chhung khan Itanagar, Arunachal Pradesh-ah neih niin, medal latute hi R. Lalbiaknuami leh Esther Vanthangpuii ten silver medal an la a. Esther Lalchhanhimi'n bronze medal medal a la thung.

Silver medal latu R. Lalbiaknuami hian Senior Kyorugi (fight) under 49kg huangah khelin a hmatch hmasa ber a bye hnuin - SSB (2-1), Arunchal Pradesh (2-0), Meghalaya (2-0) hneh hnuah final a lut. Final-ah hian a thlengtu Arunachal lakah 1-2 a chak zo loin silver medal a la.

Cadet under 59kg a khel Esther Vanthangpui, Khawruhlian chuan silver medal la tur hian 1st round a bye hnuah Odhisa (2-0), Assam (2-1), Manipur (K.O.) a hneh hnuah final-ah Manipur vek tumin 2-1 a hneh loin silver a la ta ni.

Mizoram tana bronze medal pakhat latu hi Esther Lalchhanhimi, Chhinga Veng niin cadet individual poomsae inelnaah a ni a. A chung lamah hian Arunachal Pradesh leh Assam ten gold leh silver medal an la.

R. Lalbiaknuami leh Esther Vanthangpuii te hi November thlaa buatsaih tur National Level Khelo Womens League-ah East Zone aiawhin an khel zui ang.

Khelo India Womens League-ah hian state pakua bakah SSB, Assam Rifle te an tel a. Mizoram aṭanga kal player pasarih te chu coach Lalsangzuali leh technical official Zohmingthanga leh Felix Lalnunpuia ten an hruai ni.