Bul ṭan fuh Gauff

China Open nomawi a chawi zawh hnuah Coco Gauff chuan Wuhan Open a khel zui a, nimin khan a match hmasa berah Viktoriya Tomova chu 6-1, 6-2 in a sawp.

American nula Gauff hian season a hmang ṭha lo hle a, danglamna beiseiin tun hnaiah coach pawh a thlak hial. China ramah a che fuh chho mek a, vawiina seeded 13-na Marta Kostyuk nen an intum turah pawh rinkai zawk a ni ang.

Wuhan Open khelh laiah hian Katie Boulter pawh a inlan - mahse British hmeichhe number 1 hian a match hmasa berah qualifying paltlanga invaw tling Lesia Tsurenko chu 6-2, 7-5 in a ngam lo.

Tournament-ah hian number 1 Iga Swiatek chu mimal thil vangin a inlan thei lo a, Spanish nula seeded 14-na Paula Badosa chu inlan tura ziah luh ni tawh mah se damlohna vangin a inhnukdawk leh thung.