Nico Williams khel thei dawn lo

Spain winger Nico Williams chu hliam vangin a chawlh rih a ngai dawn - Denmark leh Serbia nen Nations League an khelh hunah Athletic Bilbao duhlai hi a inlan ve thei dawn lo tihna a ni.

A tirah chuan Williams hi koh a ni a, team training zawm tur pawhin a inhriattir thlap. Mahse, Spain team damdawi lam thiamte nen an inbiak rawn hnuah a chawlh a ngai, a inhnukdawk leh rih ta zawk.

Spanish football federation chuan an player inhliam thu leh ram tana a khelh theih rih loh tur thu hi an puang chiang tawh. Williams hmunruakah hian Real Sociedad player Sergio Gomez chu koh a ni thung.

Euro 2024 final-ah khan Williams hian goal an khung, an ram hi England lakah 2-1 a hnehin chanpuiin nomawi an chawi. Inrinni zan hian Denmark nen Nations League an khel dawn a, chumi hnuah Serbia an tum leh dawn a ni.

Spain squad:

Goalkeepers: David Raya (Arsenal), Álex Remiro (Real Sociedad), Robert Sánchez (Chelsea).

Defenders: Marc Cucurella (Chelsea), Dani Carvajal (Real Madrid), Óscar Mingueza (Celta Vigo), Dani Vivian (Athletic Bilbao), Aymeric Laporte (Al Nassr), Pau Torres (Aston Villa), Pau Cubarsí (Barcelona), Pedro Porro (Tottenham), Alejandro Grimaldo (Bayer Leverkusen).

Midfielders: Martín Zubimendi (Real Sociedad), Mikel Merino (Arsenal), Alex Baena (Villarreal), Fabián Ruiz (Paris Saint-Germain), Aleix García (Bayer Leverkusen), Pedri González ( Barcelona).

Forwards: Álvaro Morata (AC Milan), Lamine Yamal (Barcelona), Ferran Torres (Barcelona), Sergio Gomez (Real Sociedad), Yéremi Pino (Villarreal), Mikel Oyarzabal (Real Sociedad), Joselu Mato (Al Gharafa).