Match hmasa berah Sindhu chak lo

Badminton inelna Arctic Open Super 500 tournament khelh laiah, India nula chhuanvawr PV Sindhu chu hneh nei loin a tla nghal - a match hmasa berah Sindhu hian Michelle Li a hneh lo.

Thawhlehnia inkhelah, Olympic medal vawi hnih la tawh Sindhu chi a che hleithei lo, seeded parukna lai ni phak mah se Canadian nula lakah hian minute 37 chhungin 16-21, 10-21 in a tlawm.

Paris Olympic atan khan Sindhu hi nasa takin a inbuatsaih a, mahse a vawi thumna atan a Olympic medal lak a tumna a hlawhchham - Olympic hnuah tun ṭum hi inelna a hmachhawn leh hmasa ber ni mah se, result ṭha a nei ta chuang lo.

Hmeichhe singles inkhel dangah India nula pakhat zawk Aakarshi Kashyap chuan German mi Yvonne Li chu 21-19, 21-14 in a hneh thung a, a thiam zual 16 zingah a inhlangkai ta a ni.

Mipa inelna lamah Lakshya Sen erawh a vannei - India tlangval hian round of 32 inkhelah Rasmus Gemke hmachhawn tur a ni a, mahse a khingpui tur hi a inlan theih loh avangin inkhelh hah ngai loin a tlang.