Franky-a'n final a lut

Khelo India-a boxing inelnaah Lunglei Salem Veng tlangval Franky H. Vanlalruatpuia chuan nimin khan boxing pinweight (44-46kg) semifinal-ah Assam boxer Gaurav Mazumdar hnehin final a lut.

Guwahati-a inelna neih mekah hian Mizo boxer 11 aṭangin Franky chiah final lut thei a awm a, semifinal lut dang pahnih Laldinsanga (48-50kg) leh C. Lalhruaitluanga (66-70kg) te erawh an khingpui Vijay Singh (Maharashtra) leh Karamveer Phogat (Assam) lakah an vanduai thung. Under 17 football-ah Mizoramin final an lut a, vawiin chawhnu dar 1:00 hian inelna thlengtu Assam nen gold medal an inchuh ang.