Spurs-ah Mason a cham rih dawn

Tottenham Hotspur assistant coach Ryan Mason chuan Belgian club lar Anderlecht nen indawrna an kalpui hnuah, a zawm leh dawn lo a, a career-a a vawi khat nan first team coach a nihna tur chu a kalsan.

Kum 33 mi Mason hian Spurs boss Ange Postecoglou thachhang dawltu nih hi nuam a ti rih viau nia sawi a ni a, Spurs-ah a cham chhunzawm zel dawn.

Player a nih laia England tana vawi khat inlan hman Mason hian Spurs-ah hian coach lailawk dinhmun vawi hnih a lo chelh tawh. April 2021-June 2021 inkar khan Jose Mourinho ban vangin match sarih a kaihruai a, 2022-23 season-ah khan Antonio Conte leh Christian Stellini ban hnuah coach lailawk a lo ni tawh bawk.