MFA Inter Village Futsal an khel ṭan

11th October, 2024

Mizoram Football Association leh BR Studio Production ṭangkawpin an buatsaih BR Studio MFA Inter Village Futsal Tournament chu nimin aṭangin R. Dengṭhuama Stadium-ah khelh ṭan a ni. Inelna hi vawiinah chhunzawm a ni ang.

Kumin Inter Village Futsal-ah hian team 93 tel a, inkhel zawng zawng hi BR Studio YouTube Channel-ah pek chhuah a ni ang. Inelnaah hian Mizoram Premier League-a inziaklut player-te an tel thei lo a; ISL leh I League bakah state league sang ber khel player te pawh inlan thei lo.