Quarterfinal-ah Alcaraz a tla

Carlos Alcaraz chuan Shanghai Masters title lak tumin theihtawp chhuah mah se, a tum ram thleng zo loin quarterfinal-ah Tomas Machac hneh loin a zinkawng a tawp.

Ningani zan tir lam inkhelah, seeded pathumna Alcaraz hi world number 33 Machac lakah rinkai zawk a ni a, mahse set a la lo. Inkhel inhnehtawk takah ranking hniam zawk Machac hi 7-6 (7-5), 7-5 in a chak.

Kum 23 mi Machac chuan, "Beisei phak baka ṭhain ka khel, tun ṭumah khan tlang tur chuan sawisel boa ka khelh a ngai tih ka hria a, chumi chu ka ti hlawhtling thei a ni.

"Theihtawp chhuaha kan beih hram hram chuan a rah kan seng ṭhin, chutiang ni lo se la chuan tun dinhmun hi ka thleng lo ang a, kan ram lam panin ka haw a ngai mai ang," a ti a, thawhrimna vanga chak a ni tih a inpawm.

Czech Republic tlangval hian a match lehpekah chuan Jannik Sinner a hmachhawn ang - world number 1 Sinner hian quarterfinal inkhel dangah Daniil Medvedev chu 6-1, 6-4 in a lo sawp ve thung tawh a, vawiina an inkhelh turah pawh rinkai zawk a ni ang.

China rama tennis inelna ngaihhlut pakhatah hian Novak Djokovic pawh a inlan, Serbian star hian nizan khan Jakub Mensík nen quarterfinal an khel a, result erawh kan hre hman lo thung a ni.