Arctic Open-ah India beiseina a tawp

Badminton inelna Arctic Open 2024-ah India infiammi te zingah quarterfinal lut phak an awm lo, singles player dam rei ber Lakshya Sen chu last 16 paltlang zo loin a zinkawng a tawp ve leh ta a ni.

Ningani khan Vantaa, Finland-ah Sen-a hi a inlan a, a khingpui Chinese Taipei player Chou Tien-chen lakah hian game hmasa ber la mah se 21-19, 18-21, 15-21 in a chak lo zawkah a ṭang.

Indian player dang Kiran George pawh a chak lo - a match hmasa lamah harsa takin Wang Tzu-wei hneh thei mah se, a vawi hnihnaah chuan Jonatan Christie lakah 17-21, 8-21 in a chak lo.

Hmeichhe singles lamah PV Sindhu chu hneh nei loin a tla nghal a, Olympic medal vawi hnih dawng tawh a tlak hnu hian Malvika Bansod, Unnati Hooda leh Aakarshi Kashyap te chu second round paltlang loin an zinkawng a tawp leh nghal vek a ni.