Kumina vawi 50 chak tling Gauff

Hmeichhe tennis world number 4 Coco Gauff chuan tun season kal laiah match 50 a chak tling ta. Gauff hian nimin khan Magda Linette chu 6-0, 6-4 a hnehin Wuhan Open semifinal a in vaw kai.

Center Court-a inkhelah Gauff hian harsatna a tawk meuh lo, a coach thar Matt Daly kaihhruaina hnuaiah tun hnai hian a khel ṭha thei hle - China Open nomawi a chawi hnuah tunah title dang a beisei leh mek.

Kum 20 mi Gauff chuan, "Inkhel pumpuiah khan game hnih chu tih ṭhat vak loh ka nei, a dang chu ka khel ṭha tluan vek niin ka hria," a ti a, tun hnaiah a zawnin match kua a chak tling ta a ni.

China rama tennis inelna neih laiah hian, hmeichhe world number 1 Iga Swiatek chu mimal harsatna vangin a inlan ve thei lo.