Point mamawh Arsenal hmaah Chelsea

Premier League club ṭha ni ṭhin, tun hnaia beisei phak lo Arsenal leh Chelsea chu zanin dar 1:45 hian Emirates Stadium-ah an intawng dawn - London club pahnih hi point mamawh tak an nih avangin a hmuhnawm ang.

Gunners hi an player hlui Mikel Arteta-a'n a kaihhruai hnuah beiseina nei thar mah se an duh ang result erawh an la nei hleithei lo. Blues hi an legend Frank Lampard enkawlna hnuaiah player thar lalut lo mah se palina an ni mek thei thung.

Newcastle hneh lo hlim an nih avangin Chelsea an ngui a, manager Lampard chuan an chak loh hnuah hmalam pan an ngaih thu a sawi. English manager chuan, "League hi a harsa, elpui laka kal fal duh 

ṭhin mah ila a awlsam lo a ni. Tunah chuan chak loh vanga indawm kun loin hmalam an thlir ang," a ti. Chelsea hian hliam vanga chhawr theih loh langsar an nei rih lo, zaninah hian an defender hlui David Luiz chu striker chhuak thar Tammy Abraham nen an inhmachhawn dawn - Gunners striker leh captain ni bawk Pierre-Emerick Aubameyang chu hrem vangin a la inlan thei lo ang.

Zanin Inkhel Tur

AFC Bournemouth    1:00 AM    Brighton & Hove

Aston Villa    1:00 AM    Watford

Everton    1:00 AM    Newcastle United

Sheffield United    1:00 AM    Manchester City

Crystal Palace    1:00 AM    Southampton

Chelsea    1:45 AM    Arsenal

January 22, Nilaini zan

Leicester City    1:00 AM    West Ham United

Tottenham Hotspur    1:00 AM    Norwich City

Manchester United    1:45 AM    Burnley

Wolverhampton    1:30 AM    Liverpool