A vawi khat nan Van Dijk hnawt chhuak

Netherlands leh Hungary ten Nations League an khelh ṭumin Virgil van Dijk chu hnawhchhuah a ni a, Dutch defender hian ram tana a inlan tawhna hoah a vawi khat nan red card a hmu.

Pukas Arena-a inkhelah mualneitu Hungary tan Roland Sallai chuan chawlhlawk hmain goal a khung, minute 79-naah yellow card pahnihna vangin Van Dijk hi hnawhchhuah a ni.

Dutch team tan thawhchhuah a harsa tura ngaih a ni, mahse, player pakhata an kim loh aṭanga minute li hnuah Denzel Dumfries chuan Cody Gakpo-a freekick a tauh lut a, goal dang lut loin 1-1 in an inhnehtawk.

Netherlands chuan an defender pawimawh hi an chhawr zui thei dawn rih lo, hei vang hian an ram camp chhuahsanin a club Liverpool lam a pan thei nghal - Reds tan chuan chanchin lawmawm lam a ni ang.

Mohamed Salah pawh Egypt lamin an chhuah zalen hma a, tun kar chhungin kar tawpa Chelsea nen Premier League an khelh tur atan an inbuatsaih thei dawn tihna a ni.

Premier League hmahruaitu Arne Slot leh a naute hian Pathianni zan dar 9:00 hian Chelsea an mikhual dawn, tun season atan chuan an tan fiahna lian hmasa a ni ang.