MPL11 top scorer tur BD-a?

Zaninah LZ Juice MPL11 khelh zawh a ni dawn a, Aizawl FC forward Lalbiakdika chu top scorer ni turin a dinhmun a ṭha hle. Champhai Zotlang tlangval BD-a hian goal 12 a khung tawh a, amah hnaih bertu C. Lalhriatpuia aiin goal thumin a khung tam zawk.

Chutihrualin I Day Football-ah pawh goal sarih khunga top scorer ni tawh BD-a hi inhliam vanga final-a inlan lo thei dinhmunah a ding a, a inlan thei lo a nih chuan season khata goal khung tam ber record a siam thei dawn lo.

F. Lalrinpuia chuan MPL4 khan Aizawl FC tan khelin goal 13 a khung a, Mizoram Police striker hi season khata goal khung tam ber record siamtu a la ni mek.