Denmark Open-ah Sindhu leh Lakshya Sen

Indian badminton player ṭha PV Sindhu leh Lakshya Sen te chuan beiseina nen Denmark Open an khel dawn, tun hnai khan Arctic Open lamah khelin beisei an phak lo a ni.

Kar hmasa khan Sen-a hian Chou Tien Chen a hneh lo a, Paris Olympic-a palina a nih hnuah result ṭha a la nei leh lo. Tun ṭumah hian a match hmasa atan Chinese tlangval Lu Guang Zu a hmachhawn dawn a, player pahnihte an intawn vawi khatna a ni ang.

Sindhu pawh season a hman ṭhat lohna aṭangin a la tho chhuak thei lo. Coach thar Anup Sridhar leh Lee Hyun-il te kaihhruaina hnuaiah insiamṭhat a tum mek a, inelna bul ṭan nan Chinese Taipei mi Pai Yu Po a tum dawn a ni.