Mapuia Zote-in a score tam ber

MSL-ah Chaltlang Ryders a mawngphahah an awm a, an point guard Lalmuanpuia Zote chu point score tam ber a ni. Mapuia hian Chaltlang match zawng zawngah a khel kim vek a, point 219 a score-in match tina point 21.9 khung ang a ni. Amah hnaih bertu F. Zodinthara'n point 174 a khung a, score tam lama pasarihna Lalrina Renthlei-in match sarih chauh khel mah se point 116 a score pha a, game average zawnga thlir chuan pathumna a ni.

MSL league stage-ah hian match 30 a awm a, points lut zawng zawng hi 4022 a a ni. Final khelh tur a la awm avangin Ramhlun North tlangval hi MSL hmasa bera point khung tam ber la ni chiah lo, final khel tur Khatla TBL player zinga point hmu tam ber chu H. Laldinsanga (point 174) leh Chaltlang guard inthlauhna hi point 31 a ni a, lehpelh theih a ni.