Massimiliano Allegri-a'n tharum thawhna a dem

Juventus manager Ma­ssimiliano Allegri chuan kartawp Turin derby a Ju­ventus-in Torino an hneh loh ṭum a fans ṭhenkat ten paper bomb an ti puak leh Juve team bus beih a ni chu a dem thu a sawi.

Stadium chhunga fans awmkhawmna laiah paper bomb tihpuah a ni a, inkhel entu Torino fans 10 laiin hliam an tawrh phah a ni. Hei bakah hian inkhel ṭan hmain Juve bus chu lung, artui leh bottle hmang te a vawm a ni a, bus tukverh pakhat chu an vawm keh a ni.

Juve manager Allegri chuan, "Italy tunlai din­hmun hi a duhawm lo hle a, thuneitu te an inenfiah a, insiam ṭhat vat a ngai a ni. Fans tam tak sta­dium a hruai lut tur leh nau­pang rilru thianghlim te kalna tlaka kan stadium boruak kan siam a ṭul. Tun dinhmunah hi chuan naupang hruaina chi ah pawh ka ngai lo a ni," tiin a sawi.

Juventus chuan he thilthleng chungchangah hian thuchhuah siamin, "Juventus chuan inkhelh­na hmuna tharum thawh­na thleng hrim hrim hi a dem vek a, he thilthleng aṭang hian kan inenfiah a ṭul ang," tiin thuchhuah an siam.

State broadcasters RAI chuan he thilthleng avang hian fans pahnih chu man an nih tawh thu an puang bawk