Balwant Singh an hrem

Mohun Bagan forward Balwant Singh bakah Dempo duo Prabir Das leh Jewel Raja te chu an chet mawi loh vangin All India Football Federation (AIFF) disciplinary committee Thawhṭannia ṭhukhawm chuan match hnih khel thei lo turin an hrem a, midfielder Raja hi Rs 50,000 chawi tir a ni bawk.

Bagan forward Balwant hi Royal Wahingdoh an hneh loh ṭumin ṭawngkam mawi lo a hman avangin minute 88-naah hnawhchhuah a ni a, I League hmahruaitu hian a tel loin Pune FC 2-0 in an hneh zui.

Pune FC an hneh ṭuma goal khungtu Jeje Lalpekhlua tan Balwant-a awm lo tur hi dinhmun sawhnghehna hun ṭha tak a ni ang.