Manuel Pellegrini hian zah a phu - Zabaleta
Manchester city defender Pablo Zabaleta chuan an manager Manuel Pellegrini chuan zah a phu thu leh, tuna an team chet ṭhat loh chhan chu an manager niloin player te chet ṭhat loh vang zawk nia a hriat thu a sawi.
Premier League champion lai Man City hian an champion nomawi kawl lai chu Chelsea lakah an chan dawn ngei niin a lang tawh a, match khat a khel tam zawk chungin Chelsea an phak lohna chu point 10 lai a ni tawh.
Pellegrini naute hi Champions League last 16 aṭanga an tlak bakah FA Cup leh League Cup aṭang tein an tla fai vek tawh a, amah thlak tur hian Jurgen Klopp leh Carlo Ancelotti te hming an lamri leh der tawh.
Zabaleta chuan, "Season hmasa khan helai hmunah hian alo kal chauh a, chuti chung chuan Premier League leh Capital One Cup-ah min champion pui nghal. A hnathawh tawh te kan ngaihtuah letin zah hi a phu a, tun aia kan zah lehzual zawk hi a phu hle a ni," tiin an pu chu a chhan hle.
Sawi chhunzawmin Zabaleta chuan, "Team chet chhiat chhanah mimal indem theih a ni lo, a bikin kan manager hi kan dem bik ngawt thei lo ang. Team ṭha nei tur chun mimal tin kan pawimawh vek. Player te kan pawimawh a, kan manager leh coaching staff zawng zawngte kan zah a pawimawh hle a ni," tiin a sawi.