Sinner dinhmun an nemnghet ta

Jannik Sinner chu mipa tennis world number 1 a ni chhunzawm a, Italian mi zingah world number 1 ni chunga kum tawp hmang thei hmasa ber a nihna chu nemngheh a ni ta.

Association of Tennis Professionals (ATP) chuan ranking thar an ti chhuak a, a chung berah Sinner hi a awm chhunzawm - point 11,920 hmuin Sanghai Masters nomawi a chawina chuan a awmna a ti nghet.

Sanghai Masters an khelh hma khan Sinner hi number 1 a ni tlang dawn tih a chiang tawh, puan chhuah erawh a la ni lo thung. Thawhṭanni zan khan ATP chuan an puang a, tunah chuan a dinhmun tur chinfel a ni.

Kum 23 mi Sinner hi a chung berah hian chawlhkar 18 chhung a zawnin a awm ta, tennis a khelh hun chhunga nomawi 17 a lakna ni turin Sanghai Masters final-ah khan Novak Djokovic a hneh.

Tun dinhmunah Sinner hi a sang fal rih hle, amah hnaih bertu Carlos Alcaraz aiin point 4,800 ngawtin a sang zawk. Grand Slam champion hian point 2000 an hmu ṭhin, an inkzar a zau tih a chiang hle.

Grand Slam dawta inelna ngaihhlut zingah Paris Masters chu kumina an khelh hmabak langsar a ni a, chumi hnuah a thiam zual pariatten ATP Finals an la khel leh bawk ang, an inkar tih zim emaw tih zau theihna remchang chu a la awm dawn a ni.