Joel Embiid a chawl rih dawn

Philadelphia 76ers center Joel Embiid chu a khup hliam vangin a chawlh a ngai rih dawn a, NBA regular season hma chuan a inkhel hman ve dawn tawh lo a ni.

76ers chuan thuchhuah siamin, "Joel Embiid-a hliam chu doctor ten uluk takin an endik a, tun hnaiah zawimuanga hma sawnin kawng dik zawh mah se, a dinhmun ngai a awh leh theih nan 2024-25 season inbuatsaihna ho chu a khel ve thei tawh rih lo ang.

"Mimal enkawlna a dawng chhunzawm dawn a, inelna tak neih hunah chuan ṭha taka a lo kir hman ngei kan beisei thung a ni," an ti a, an player chu 100% a dam a nih loh chuan chhawr luih an tum rih lo.

Kum 30 mi Embiid hi season hmasa pawh khan a khup hliam vangin a lo buai tawh a, regular season bikah match 39 chauh a khel, kuminah pawh a harsatna ngai hian a tlak buak leh lo ang tih a sawi theih loh a ni.

Basketball inelna ngaihhlut hlawh ber NBA season thar an ṭan hnai. Philadelphia chuan an regular season match hmasa ber atan October 23 hian Milwaukee Bucks an hmachhawn ang.