UCL Thlirna Tawi
Group A
• Champion lai Bayern Munich pakhatna an ni chiang tawh.
• Atletico Madrid leh Salzburg ten hmunruak pakhat an inchuh ang. Salzburg tan chak ngei ngei a ngai.
• Lokomotiv Moscow-in Bayern an hneh a, Salzburg-in point thum an hmuh loh bawk chuan Russian club tan Europa League khelhna kawng a la inhawng.
Group B
• Monchengladbach-in knockout stage lut turin Real Madrid laka point hmuh a tawk. An chak lo a nih pawhin Shakhtar Donetsk-in Inter Milan an chelh chuan an tlang tho ang. German club tan hmahruaitu ni tur chuan Spanish club an hneh a ngai.
• Shakhtar Donetsk tan knockout stage lut turin Inter Milan hneh a ngai a, chutihrualin inkhel pahnihah an inhnehtawk ve ve chuan an tlang thei bawk. Shakhtar an chak a, Gladbach an chak zawh loh chuan hmahruaitu an ni ang. Ukranian club hi an chak lo a, Real-in point an hmuh chuan palina an ni thung ang.
• Real Madrid-in tlang turin Gladbach an hneh a ngai a, inhnehtawk chunga tlang tur chuan Inter Milan-in Shakhtar an hneh a ngai. Spanish club hi an chak a, Shakhtar an chak zawh loh chuan hmahruaitu an ni ang. Chutihrualin Real hi an chak lo a, Shakhtar an chak loh bawk chuan table mawngphahah an awm ang.
• Inter Milan tan knockout stage lut turin chak ngei ngei a ngaih bakah Real leh Gladbach inkhelah chak zawk an awm a ngai. Italian club hi an chak zo lo a nih chuan palina an ni ang.
Group C
• Manchester City hmahruaitu an ni tawh.
• Porto pahnihna an ni tawh.
• Olympiakos tan Europa League khel turin Marseille aia point hmuh tam a ngai a, an khingpui tur hi Porto a nih bawk avangin an dinhmun a ṭha.
• Marseille tan pathumna ni turin Olympiakos aia point hmuh tam a ngai a, an khingpui Man City an nih avangin a harsa dawn.
Group D
• Liverpool hmahruaitu an ni tawh.
• Atalanta leh Ajax ten hmunruak pakhat an inchuh dawn a, Italian club tan knockout stage lut turin Italian club lakah tlawm loh a ngai.
• Ajax-in an mualah Atalanta an mikhual dawn a, tlang turin hneh ngei ngei a ngai.
• Midtjylland palinaah an awm dawn.