Ronaldo-a'n goal a khung lo

Thawhlehni zan khan UEFA Nations League inkhelah Portugal chuan Scotland an lenchilh a, 70% ball changin, vawi 14 zet shot nei mah se goal an khung lo a, Scotland nen 0-0 in an inhnehtawk.

Cristiano Ronaldo-a'n ram tan a vawi 200 nan inkhel bul a ṭan a, Al Nassr forward hian goal nen lawm tum mah se, a vanneih zan a ni lo. Kum 39 mi forward hian goal khungna chance pawh a nei nual a, mahse, a chhawr ṭangkai thei tlat lo.

Portugal hi Nations League-a an match hmasa pathumah an chak vek a, Ronaldo-a'n goal a khung ziah. Scotland lakah erawh a khung thei lo a, Scottish team tan tun Nations League-a an point hlawhchhuah hmasa ber a ni ve nghal!

Kum 2019 Nations League champion Portugal hian match liah point 10 hmuin League A, group 1 table chung ber an luah a, Scotland tan an point hmuh hmasak ber niin, table mawngphah an awm thung - vengtu nei loa Scott McTominay-a'n a chance a khung lo kha a ui vawng vawng ang.