Match hmasa berah Lakshya Sen chak lo

Denmark Open Super 750 badminton tournament khelh laiah Lakshya Sen a chak lo nghal - India tlangval hian a match hmasa berah Lu Guang Zu a hneh loh avangin a puanthuah a tel nghal thei.

World championship 2021 bronze medallist Sen-a hian bul a ṭan fuh a, game hmasa ber pawh a la. Mahse, Chinese tlangval Guang Zu rawn tho chhuakin, darkar khat leh minute 10 an inkhelh hnuah 21-12, 19-21, 14-21 in a chak.

Kum 22 mi Sen-a hian Paris Olympic-ah khan beisei a phak lo a, a hnuah thawhchhuah leh tum mah se a la thei rih lo. Hmeichhe singles lamah PV Sindhu erawh a chak - Sindhu hian a khingpui Pai Yu-po lakah 21-8, 13-7 in hma a hruai a, hetih lai hian Chinese Taipei nu hi a inkhel zui thei tawh lo.