Serbia sawptu Spain

Spain chuan Thawhlehni zan khan Serbia 3-0 in an hneh - European champion hian Nations League quarterfinal an lut fel nghal ta chiah a ni.

New El Arcángel Municipal Stadium-a inkhelah Spain tan hian Aymeric Laporte, Alvaro Morata leh Alex Baena ten goal khat ṭheuh an khung a, mikhual lamin a chhanletna tur an nei lo.

League A Group 4-ah Spain hian khelh hmabak pahnih chu an la nei, mahse point 10 an hmuh tawh avangin a chhe berah pahnihna aia hniamah an awm thei tawh lo, hei vang hian quarterfinal an lut chiang tawh a ni.

Spain hian an player ṭha chhawr theih loh an nei nual, mahse an buai chuang lo. Captain Alvaro Morata chuan, "Hliam leh harsatna dang nei an tam, chutiang kara hetiang thlen theih hi a lawmawm, awlsam angin lang mah se a awlsam lo," a ti.