Mane hoin Senegal an tling

Hun tawp dawna Sadio Mane-a goal khung hmangin Senegal chuan Malawi 1-0 in an hneh a, 2025 Africa Cup of Nations (Afcon) khel turin an inpet tling.

Senegal hian match li aṭanga point 10 hmuin Group L-ah pahnihna an ni a, an chunga awm Burkina Faso nen an tlang. Anni bakah hian a thlengtu Morocco, Algeria, Angola, Cameroon, DR Congo leh Egypt te pawh an lo tling tawh bawk a ni.

Afcon 2021 champion Senegal hi tun thlatir lam khan an coach Aliou Cisse nen an inṭhen, kum kua leh a chanve a enkawl hnuah August thla khan a contarct a tawp a, an inremna zawh hnuah pawh match vawi hnih chu a kaihruai leh hial.

Senegal Football Assocaition chuan Cisse hi rawih chhunzawm zel an duh, mahse sorkar thuneitu lam aṭangin thlak duhna a len avangin an duh anga kaltlangpui theih a ni ta bik lo a ni.