Wimbledon-ah lawmman a pung dawn
Kumin aṭangin Wimbledon singles champion chuan pound maktaduai 1.88 an hlawh tawh dawn a, nikum aiin hei hi pound 120,000 in a ptam zawk a ni.
Wimbledon tournament a sum che vel zawng zawng hi All England Club chuan pound maktaduai 25 aṭangin pound maktaduai 26.75-in a ti pung.
Kumin Wimbledon khelh tur atan hian inpuahchahna nei chhunzawm zel a ni a, court no 14 leh 15 pawh inkhelh theihna tur a chei ṭhat a ni tawh a, court no 12 leh 18-ah te pawh 'Hawk- Eye' (Computer hmanga ball a out leh out loh endik na khawl) dah a ni tawh.
All England Lawn Tennis Club chairman Philip Brook chuan, "Kan duh leh ṭha tawk kan tih angin ti pum thei rih lo mah ila tun a kan phak tawhah hian player te an lawm ve ngei kan beisei. Player te hi an thawkrimin an hah ṭhin em em avangin sum tam zawk dawn hi an phu a ni," tiin a sawi.